CCCXLIX.

1456, Mai 7. (Schweidnitz.)

Das Kloster kauft das Gut Gohlitsch bei Schweidnitz zurück.

Wir ratmanne der stat Sweidnitcz bekennen und thun kunt uffintlich mit desim briefe allen, die en sehen, horen ader lesen, das vor uns in sitczindem state komen ist Hannos Jungenitsche, unser miteburger, und hot mit gutem willen und wolbedochtem mute bekant, das das closter zu Camentcz im abgelost hot sein gut zu Golschitcz ym Sweydnitschen weichbilde gelegin, vor newnczig marg heller und sechczig Ungerische gulden, die im denne von des benanten clostirs wegin wolzudancke weren beczalet und awsgericht wurden. Ouch hot sich der obgenante Jungenitsche vor uns vorwillet, ap yndert brife hinderstellig bleben weren, welchirler dy weren, keyne awsgenomen, und nemlichen eyn brieff obir czwelff marg lawtende, die obir dasselbige gut zu Golschitcz sprechin, hernochmols ymmer vorqwemen und funden wurden, sulden keine crafft noch macht haben und dem obgenanten gute zu Golschitcz und ouch dem vorbenanten closter zu Camentcz vorbasmer heinen schaden brengen nw und zu ewigen geczeiten. Czu bekentenisse haben wir unser stat ingsigel an desin brieff hengen lossin. Gegeben am freitage noch unsers herrn Hymmelfarts tage noch Cristi geburt vierczenhundert und dornoch im sechsundfumffczigistel iaren.

Or. Perg. An einem Pergamentstreifen das wohlerhaltene S. der Stadt Schweidnitz in rothem Wachs; vgl. Saurma, Städtewappenbuch Sp. 306 oben.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.